На масовните протести што денеска се одржаа низ цела Франција на повик на синдикатите против владините предлози за драстично намалување на буџетските трошоци, уапсени се 309 лица, а за 134 е одреден притвор, соопшти вечерва француската полиција.
На протестите, според власта, учествувале околу 500.000 луѓе, додека организаторите тврдат дека бројката достигнала еден милион.
Во немирите биле повредени 26 полицајци, а јавниот превоз и дел од париското метро беа во прекин, додека демонстранти блокирале улици и патишта во повеќе градови.
