Дополнителниот заменик министер за внатрешни работи Митко Бојмацалиев во денешното гостување на „Слободен печат“ вели дека МВР сеуште ги нема приведено напаѓачите на градоначалникот на општина Арачиново.
„Сакам да ги демантирам некои натписи по медиумите, МВР се уште ги нема приведено напаѓачите на градоналникот на општина Арачиново иако вчера во дел од медиумите пишуваше дека се приведени две лица-осомничени во вооружената престрелка. Лицето кое беше приведено е косовски државјанин кој бил баран со потерница поради учество во странска војска. Напаѓачите се на слобода, имаме осомничени, имаме подигнато докази, но јавноста треба да знае дека сеуште нема приведени поврзани со пукањето и обидот за убиство сеуште немаме“, изјави Бојмацалиев.