Грета Мари Оттесон (33) и нејзиниот вереник Арно Елс Квинтон (36) биле пронајдени мртви во хотелска соба во Виетнам откако испиле контаминирано лимончело од ресторан, соопшти полицијата.
Неодамна свршена двојка излегла на вечера на Бадник пред да се врати дома и нарачала две шишиња „домашно“ лимончело од друг ресторан.
Според извор близок до семејството, Отесон контактирала со нејзините родители преку Whatsapp за да се пожали на „најлошиот мамурлак досега“ и како што се пожалила, видела „црни точки“ пред нејзините очи. Двојката одлучила дека би било добра идеја да се наспие наместо веднаш да оди во болница.
“Сопственикот на локалниот бар и нивниот пријател се јавиле и сакале да ги однесат во болница, но тие одбиле. За жал, подоцна било предоцна”, рекол извор за Тајмс.
Полицијата започна истрага за нивната смрт и во нивните соби пронашла празни шишиња лимончело. Тестовите заклучија дека и двајцата починале од труење со метанол, за кое се верува дека е поврзано со „домашното“ лимончело, според истражителите.
Извор близок до семејството рекол: „Полициската форензика утврдила дека изворот бил лимончелото, кое било испорачано, не е јасно како метанолот бил во шишињата“.
Родителите на Оттесон, Сузан и Пол, го опишаа нивното единствено дете како „убаво“, пишува Mirror.
„И Грета и Арно беа искусни патници, кои патувале низ целиот свет. Тие го нашле својот совршен дом и биле неверојатно среќни со својот живот во Виетнам, планирајќи за иднината“, велат тие.
Виетнамската полиција сега потврди дека причина за смртта е труење со метанол, што беше потврдено со резултатите од обдукцијата.
“Бевме толку среќни што таа го избра Арно. Тој беше толку прекрасен млад човек. Арно беше одличен музичар, композитор и текстописец. Купија користен велосипед и беа толку горди”, објаснуваат родителите.
Досега нема уапсени во врска со нивната смрт, а таткото на Грета Пол очајно се обидува да открие кој е одговорен за загадениот пијалок. Истрагата е во тек.
