Ако нешто изгледа премногу добро за да биде вистина, веројатно не е! Ова е стара поговорка која често може да се примени на огласите за работа во странство каде што наши луѓе се поканети да дојдат во Германија, Швајцарија или некоја друга европска земја за одлични услови.
На ова предупреди и човек од овие простори кој со години живее и работи во Германија.
На Тикток каде што ја има сметката „balkanac_u_nemackoj“ објави видео каде раскажува колкави се реалните плати во таа земја.
– „Три илјади евра плата. Ви се плаќа сместување, храна и патување. Воедно со тоа ние плаќаме и за обработка на визи за работа и престој. Кога ќе видите ваков тип на реклама на социјалните мрежи, веднаш пријавете ги и блокирајте такви објави. Тоа е измама! Просечната плата во Германија моментално е меѓу 1.500 и 2.000 евра за оние од вас кои немаат некаков занает, кои немаат некаква диплома и не го знаат германскиот јазик – вели тој и додава дека многу луѓе го контактираа во последните неколку дена дека биле измамени од ваквата објава. Многумина од нив биле возачи на компании за испорака на пакети.
– Максималната плата во моментов за возач во брза пошта е до 2.000 евра. Тоа значи максималната плата што ќе ја добивате како курирџија – вели тој.
Иако огласите нудат неверојатни услови за вработените во секторот за чистење, во реалноста ни тоа не е баш така.
– Во фирмите за чистење платата е меѓу 1.500 и 2.000 евра – рече тој.
Многу луѓе од оваа област, кои очигледно имаат или имале искуство со работа во Германија, потврдија дека тоа е вистина.
– Да, бруто платата е од 2.500 до 3.000 евра, но тоа е бруто – вели еден од нив во коментарот.
