Иран го нападна Израел со лансирање на десетици беспилотни летала, а се проценува дека ќе им требаат неколку часа за да го поминат растојанието и да стигнат до целите.
Според странските медиуми, лансирани се околу 50 ракети „камикази“.
Корисниците на социјалните мрежи објавуваат видеа од летала кои патуваат кон Израел, тврдејќи дека може да се видат на небото над Ирак.
Ирански напад врз Израел се очекува веќе неколку дена, откако Израелците го погодија иранскиот конзулат во Сирија.
Израелските власти претходно изјавија дека се подготвени да се одбранат и дека очекуваат ирански напад. Во таа насока, тие забранија собири низ целата земја, објави Скај Њуз.
